Монгол бүсгүйгээс эх орон нь нүүр буруулжээ

Энхмаа гэх энэ монгол эмэгтэй гурван жилийн өмнө Хятадад одоогийн нөхөртэйгөө анх танилцжээ. Тэрбээр Нигерь улсын иргэн байсан учир тэд тэнд амьдрахаар шийдсэн байна. Гэвч Энхмаагийн энэ амьдрал жинхэнэ там болон хувирчээ. Нөхөр нь бараг өдөр болгон шахуу дарамталж, тэр ч бүү хэл нэг бус удаа хөл хүнд байхад нь хэвтэрт ортол нь зоддог байсан байна. Энэ их хүчирхийллийг тэсвэрлээгүй Энхмаа оргохоор шийдэж, Элчин сайдын яамандаа хандтал тэд төсөв байхгүй гэсэн шалтгаанаар туслахаас эрс татгалзжээ. Энэ талаар тэрээр "Монгол улсаас ирсэн. Египтэд сууж байгаа Элчин сайдын яамнаас тусламж гуйхад төсөв байхгүй гэх нэрийдлээр ямар ч тусламж үзүүлээгүй" хэмээн уйлан байж ярьж байсан юм. Ингээд арга ядсан тэрбээр тус нутгийн Христийн сүмд ханджээ. Сүмийн итгэгчид Энхмаа болон 2 хүүхдэд нь сайхан сэтгэлээр тусламж үзүүлж, буцах зардал болон хоёр хүүхдийнхээ боловсролд анхаараарай хэмээн 3000 доллар бэлэглэсэн байна. Гадаадад оршин суугаа иргэдийнхээ төлөө ажиллах ёстой элчин сайдууд нэг иймэрхүү хандлагатай байх юм. Тэгвэл гадаадад байгаа монголчуудын эрхийг хэн хамгаалах вэ? Бурхан уу?