ICE TOP Хаагийд зориулсан хадивын аян

Монголын өнөөгийн нийгэмд хөгшин залуу, баян ядуу гэж ялгахгүй нүүрлээд байгаа нэгэн зовлон бол хорт хавдар. Уг нь дэлхий нийтэд энэ өвчнийг ахмад насныханд зонхилон тохиолддог өвчин гэж үздэг ч манай орны хувьд энэхүү өвчин нь хэнд ч тохиолдож болзошгүй аюул болсон гэвэл буруудахгүй бизээ.

Тэгвэл монголын Хип хоп гэгч урсгалын анхдагчдийн нэг “ICETOP” хамтлагийн дуучин Б.Хатанбаатар буюу Хаагий хорт хавдар  гэгч өвчнөөр өвдөж, амь насанд нь аюул нүүрлээд байна. Иймээс Хаагийгийн ээж, хамтлагийн гишүүн Манлай, сэтгүүлч Ш.Гүрбазар, “Харанга” хамтлагийн дуучин Ц.Чулуунбат нар Зууны мэдээ сонины Үндэсний мэдээллийн төвд хэвлэлийн бага хурал хийсэн гэдгийг та бүхэн мэдэх байх.

Энэхүү өвчнийг манайд эмчилвэл 10-20 хувийн эдгэрэх найдвартай гэсэн байна. Харин эрүүл мэндийн технологи өндөр хөгжсөн Японд эдгэрэх найдвар 90 хувьтай ч үнийн хувьд харьцангуй өндөр юм байна.  Нийт 200 сая төгрөг.

Монголын урлагийн одод нэгдэж, эмчилгээний зардалд нь бага ч болтугай хандив үзүүлэх харамгүй сэтгэлээр “Халуун сэтгэл” хандивын тоглолтыг зохион байгуулах гэж байна.

Таны авсан нэг тасалбар түүнд амьдрал бэлэглэх сэтгэлийн хандив болох юм. Тоглолт “UB palace” концертийн их танхимд энэ сарын 6-9-нд буюу дөрвөн өдөр үргэлжилнэ. Тодруулбал,

“Халуун сэтгэл” тоглолт:

• 4 сарын 6-нд Рок попын одод,
• 4 сарын 7-нд Нийтийн дууны одод,
• 4 сарын 8-нд Хошин урлагийн одод,
• 4 сарын 9-нд Хип хоп одод тоглолтоо тавьж хандивийн тоглолтонд нэгдсэн байна.

Тасалбарын үнэ 10000 төгрөгөөр худалдаалагдаж байна.

Хандивын данс:

• Голомт банк – 180 503 0800,
• Хаан банк – 503 414 6252,
• Хадгаламж банк – 102 9001 9662

Мессэж хандивын дугаар 151015 – Үгэнзар.мн.

 ҮгэнЗар.мн сайт 1-15 аас эхлэн 4-1 хүртэл Д. Солонго бүсгүйн хандивын аяныг өрнүүлж Солонго бүсгүйд багагүй урам зориг дэм хайралсан билээ. Харин энэ удаад Ice Top Хаагийд зориулан хандивын мессэж аянаа 5-1 хүртэл зохион байгууллаж байна. Сайн үйлс бүхэн дэлгэрэх болтугай.

Видео үзэх