Баячууд орох дуртай “Face” шөнийн клубын “арын хаалга”

Нийслэлийн Иргэдийн Төлөөлөгчдийн Хурлын Тэргүүлэгчдээс хүнсний худалдаа эрхэлдэг аж ахуйн нэгж 08.00- 24.00, зоогийн газар 07.00- 24.00, баар 15.00-24.00, кафе 10.00-22.00 цаг хүртэл ажиллаж байх тогтоолыг гаргаад багагүй хугацаа болсон. Гэвч үнэн хэрэгтээ энэхүү тогтоол шөнийн цэнгээний газруудын хувьд тэгш бус үйлчлэн, зарим “дархлагдсан” газрууд бараг өглөөний нар мандтал ажиллаж байгааг мэдэхгүй хүн үгүй. Улаанбаатарт хууль хэрхэн зөрчиж болдгийг яруу тодоор харуулсан нэгэн тод жишээ бол “Face” шөнийн цэнгээний газар. Аргагүй л ардаа “том” хүнтэй энэ бааранд цагдаагийн ажилтнууд ирсэн ч “нөлөөлөх”-өө больсон шиг. Манайд л дээгүүрт жагсдаг байсан “Metropolis”, “Brix” зэрэг цэнгээний газрууд ар араасаа хаалгаа барьж байхад энэ газарт хууль үйлчлэхгүй, шөнө оройн цагаар амьдрал “буцалахаар” барахгүй хамгийн үнэтэй, дээдсийн гэсэн тодотголтой болоод байгаа. Такс нь 20-н мянга, бүх ширээ нь үнэтэй бөгөөд 200-н мянгаас эхэлдэг гээд хотын бүх баячуудыг цуглуулдаг газар болжээ. Үнэхээр үүнээс харахад Монголын хууль алагчлан үйлчилдгийн тод жишээ энэ биз ээ.