Монголын шигшээ Кувейттэй өрсөлдөнө

Ази тивд хоккейгоор зэрэглэл доогуур орнууд өрсөлддөг “Challenge Cup-2013” тэмцээн Тайландын нийслэл Бангкок хотноо үргэлжилж байна. Тус тэмцээнд өрсөлдөж буй Монголын шигшээ багийн тамирчид өнөөдөр Кувейтийн багтай хүрэл медалийн төлөө өрсөлдөнө /Монголын цагаар 14.30 цагт/.

2008 оноос эхлэн жил бүр зохиогдож эхэлсэн тус тэмцээнд 10 улсын баг оролцож байгаагаас манай хоккейчид В хэсэгт Энэтхэг, Макао, Хонгконг, Сингапур улсын багуудтай нэг хэсэгт багтан өрсөлдсөн юм.  Ингээд манай хоккейчид хэсэгтээ Энэтхэг (20:0), Макао (6:1), Сингапур улсын (3:2) багийг хожиж, Хонгконгийн багт (7:3) хожигдсоноор хэсгээсээ хоёрдугаар байраар шалгарсан. Улмаар хагас шигшээд шалгарах эрхийн төлөө тус тэмцээний хоёр удаагийн дэд аварга Тайландын багтай тоглож 5:4-ийн харьцаагаар ялалт байгуулаад байсан ч өчигдөр мөнгөн медалийн төлөө Хонгконгийн багтай тоглож, 4:3-ийн харьцаагаар ялагдал хүлээсэн юм.