Хадмындаа санаатайгаар гал тавьжээ

Өнгөрсөн шөнө нийслэлийн Чингэлтэй дүүргийн нутаг Хайлаастад  амьдардаг  нэг гэр бүлийн долоон хүнийг аймшигтайгаар шатаасан ноцтой хэрэг гарсан байна. Уг хэргийг энэ айлын хүргэн нь үйлдсэн бөгөөд хохирогчдын бие одоогоор маш хүнд 50-90 хувийн түлэгдэлтэй байгаа аж. Хэрэг явдал шөнийн 03 цагийн үед болжээ. Хохирогчдыг унтаж байх үед хүргэн нь гэрт орж ирээд шууд бензин цацаж, шүдэнз зурсан гэх мэдээллийг эх сурвалж өглөө.  Эхнэрээ байнга хардаж зоддог байсан хүргэнээсээ охиноо салган гэртээ авчираад байсныхаа төлөө ийнхүү нэг гэр бүл аймшигт хэргийн золиос болж, долоон хүн түлэгдэж бэртээдбайна. 

Түлэгдсэн хүмүүст Түлэнхийн эмнэлгийнхэн анханы шатны тусламж үзүүлж, холбогдох эмчилгээг хийж байгаа ч тэдний биеийн байдал сайнгүй байгаа гэлээ.