Чапиг тайзнаас хөөв

Чапи нэрээрээ олонд танигдсан жүжигчин Ө.Ихбаяр UB паласт болсон “Хийморьлог монгол эрчүүдээ дуулъя” тоглолтод оролцох үеэрээ үзэгчдийн дургүйг хүргэж тайзнаас хөөгдөв. Тэрээр УИХ-ын гишүүн О.Баасанхүүг элэглэсэн юм. Харамсалтай нь, жүжигчин Чапи энэ удаад бүдрэв. Дуу хоолойн өнгөнөөс эхлээд яриа нь О.Баасанхүү гишүүнийхээс хол зөрсөн нь үзэгчдийн уурыг барж “Наад тайзнаасаа буу, яв. Ингэж хүнийг элэглэнэ гэж юу байдаг юм бэ. Чи чадахгүй байна” гэх хатуухан үгийг үзэгчдээс сонсоход хүрэв. 

Элэглэлээр хошин урлагийнхан дотроо шаггүй авъястайд тооцогддог жүжигчин Чапи УИХ-ын гишүүн О.Баасанхүүг нэлээд сайн судалж, энэхүү үзүүлбэрээ сайжруулахгүй бол дараа, дараагийн тоглолтод үүнийгээ сонирхуулбал, бас л зэмлэл сонсох байх шүү.