Данзанравжаагийн есдүгээр дүр нутагтаа ирлээ

Говийн ноён хутагт Данзанравжаагийн есдүгээр дүр саяхан тодорсон билээ. Хутагтын хойд дүрээр Дорноговь аймгийн Хөвсгөл сумын харьяат Отгоннамжилын Угтахбаяр гэдэг 26 настай  залууг  тодруулсан нь үе үеийн ноён хутагтаа дээдэлдэг говийн зон олны сэтгэлийг баярлуулсан билээ.  Саяхан Дорноговь аймгийн Засаг дарга П.Ганхуяг, Равжаа хутагтын тахилч З.Алтангэрэл болон сүсэгтэн олноо төлөөлсөн 30 гаруй хүн Дээрхийн гэгээн XIV Далай ламтай уулзахаар Энэтхэг улсыг зорьсон бөгөөд удалгүй нутагтаа ирж, одоо Дорноговь аймгийн Хамрын хийддээ байгаа аж.