А.Гэрэлцэцэгт шинэ байр бэлэглэв

“Маск” продакшны жүжигчин А.Гэрэлцэцэгийн төрсөн өдөр өчигдөр болж өнгөрсөн. Харин “Маск” продакшны хамт олон анхны эмэгтэй жүжигчиндээ “Golden Park” хотхонд нэг өрөө иж бүрэн тавилгатай байрыг бэлэглэж, ёстой л “хоншоор”-той загналаа. Оюутан байх цагаасаа байр түрээслэж амьдарч байсан А.Гэрлээ продакшндаа олон жил тууштай ажилласны эцэст ийнхүү үр шимийг нь хүртэж байртай боллоо. Хамтлагийнхаа бэлгийг баярын нулимстайгаар хүлээн авсан тэрээр хамгийн түрүүнд ээж рүүгээ залгаж баярт мэдээгээ дуулгасан нь олон хүний сэтгэлийг хөдөлгөсөн юм.