“Улаан дөрвөлжин”сэтгэхүйн эмгэнэлт кино өнөөдөр нээлтээ хийнэ.

“Хамба фильм” студийн бүтээл “Улаан дөрвөлжин” сэтгэхүйн эмгэнэлт кино өнөөдөр 19 цагаас Тусгаар тогтнолын ордонд нээлтэй хийх юм байна. Нийгмийн бүхий л талыг харуулж, шүүмжилсэн энэ кинонд мэргэжлийн хүмүүс ам сайтай байгаа. Монголын дэлгэцийн урлагт бас нэгэн шинэ түлхэц болж байгаа “Улаан дөрвөлжин” та бүхнийг мэлмийг баясгах гэнэ шүү.

Уг киноны хэсгээс дурьдахад сэтгэцийн эмнэлгийн хаалттай ертөнцөд дарга Даваа өөрийн хүслээр журам тогтоож, хүмүүс ч түүний аяар хөдөлдөг аж. Эмнэлэгт архинд донтогч, номын цагаан солиот, урлагийн дэмийрэгч зэрэг тус тусын ертөнцтэй олон өвчтөн эмчлүүлдэг. Харин киноны зохиолч Д.Золзаяа “Нийгмийн дотор болж бүтэхгүй байгаа зүйлд шүүмжлэлтэй хандсан. Яг юуг үзүүлэхийг зорьсныг үзэгчид өөрийн ухаандаа тунгаан бодох байх” гэсэн юм. “Улаан дөрвөлжин” киноны дуу “Тэнгэрт нэг удаа”-г “Булсара” хамтлаг дуулжээ.