4 настай хүүг дайрч амийг нь хөнөөлөө

Нийслэлийн Сүхбаатар дүүргийн нутаг Дамбадаржаагийн гүүрэн дээр өнөөдөр 15.00 цагийн үед ноцтой осол гарч, дөрвөн настай хүү газар дээрээ амиа алдлаа. “Автобус 3” ХХК-ийн 03-58 УБЧ улсын дугаартай автобусны жолооч Н тухайн ослыг гаргасан аж. 

Осол гаргасан жолооч “Тухайн үед буудал дээрээс хүнээ ачаад хөдөлсөн. Гэтэл нэг эгч мөнгөө салхинд хийсгэчихээд түүж байсан. Тэр эгчийг хараад хурдаа сааруултал ард түг хийх чимээ гарсан. Гэтэл хүүхэд дайрчихсан байсан” хэмээн тайлбарласан юм. 

Дашрамд дурьдахад, эцэг, эхчүүд бага насны хүүхдээ дагуулан явж байгаа бол хараа хяналтаасаа салгахгүй байхыг Замын цагдаагийн газраас анхааруулсныг хүргэж байна. 

Чухам юу болсон талаар жолооч нь ингэж ярьж байна.