АЖ Ц.Гантөмөрийн адтай ач

Ардын жүжигчин, төрийн шагналт, Буриад улсын гавьяат жүжигчин Ц.Гантөмөр Монголын тайз дэлгэцийн урлагт багагүй зүйл хийж бүтээсэн нэгэн. Тиймдээ ч түүнийг хаа явсан газарт нь олон хүмүүс хүндэлж хүлээж авдаг. Амьдралын хатуу, хөтүүг туулж гарсан ч түүнийг энэ нь хахир, яхир болгосонгүй харин ч “зөөллөж” өгсөн гэдэг юм билээ. Өдгөө өнөр өтгөн гэр бүлтэй болсон нь түүний дутууг дүүргэсэн бөгөөд ардын жүжигчин маань ч жаргаж суугаа. Харин түүний ач хүү Сэр-Од нь ирээдүйн чадварлаг жүжигчин болохоор зориод байгаа гэсэн. Тиймдээ ч цаанаа адтай гэгддэг ач нь “Огцом эргэлт” кинонд тоглоод, жүжигчин өвөөгийн хүү гэдгээ батлаад амжсан шүү.