“Гамлет” жүжиг дахин тайзнаа заларна

УДЭТ-ын тайзнаа өнөөдөр Уильям Шекспирийн “Гамлет” жүжиг  заларна.  Энэхүү жүжиг энэ  сарын 31-нд хүртэл  үзэгчдийн хүртээл дахин тавигдах юм байна. 


Уг жүжгийн найруулагчаар Н.Наранбаатар, туслах найруулагчаар Ч.Түвшин, ерөнхий продюсер Д.Цэрэнсамбуу, ерөнхий зураач Т.Ганхуяг, бүжиг дэглээчээр Т.Төгсөө, хөгжмийн зохиолчоор С.Сансаргэрэлтэх нар ажилласан юм. 

Харин Гамлетад  жүжигчин С.Болд-Эрдэнэ,  Гамлетын хайртай бүсгүй Офелиягийн дүрд жүжигчин А.Ганчимэг,  Д.Ганцэцэг нар тоглосон билээ. Харин бусад  дүрүүдэд Данийн ван Клавдийд П.Цэрэндагва, Гертрудад У.Уранчимэг, Офелиягийн аав Полонийд Б.Жаргалсайхан, ах Лаэртэд Г.Эрдэнэбилэг, Горациод Г.Амгаланбаатар, Марцеллод Д.Баттөмөр нар тоглолсон билээ.