Н.Оргил урлагийнхныг бухимдуулж явна

Соёл, спорт, аялал жуулчлалын яамны сайд Ц.Оюунгэрэл Соёл урлагийн газрын даргаараа жүжигчин, загвар өмсөгч Н.Оргилыг томилсон удаатай. Тэрбээр даргынхаа ажлыг багагүй хугацаанд хийж буй ч зарим хүний уурыг барж суугаа сурагтай. Ц.Оюунгэрэл сайдыг Соёл урлагийн газрын даргаар түүнийг томилоход зэмлэх хүн цөөнгүй байсан удаатай.  Нөгөөтэйгүүр энэ шийдвэрийг гаргасан нь хэр оносон бол гэсэн жиг, жуг яриа гаргаад байсан. Тэгвэл эцэстээ энэ шийдвэр нь оноогүйгээс гадна яамны соёл урлагийн ажилчдыг цухалдуулах болж. Н.Оргил  нь ажилчдаа хэл амаар доромжлох, тэр битгий хэл хэн дуртайг нь албан тушаалаас нь өөрчилж суудаг гэнэ. Тиймээс ажилчид нь их л бухимдалтай байгаа бөгөөд тус яамны Соёл урлагийн газрын ажил нэг л урагшлахгүй байгаа аж. Түүнчлэн энэ байдлаас нь болж манай мэргэжлийн урлагийн байгууллагынхан Н.Оргил даргаас их л жихүүцдэг гэнэ шүү.