Дөнгөж төрсөн нярай амиа алджээ

Дөнгөж төрсөн нярай ээжийнхээ хөхөнд даруулж амиа алдсан хэрэг өнгөрсөн ням гаригын буюу энэ сарын 13-нд Хоёрдугаар амаржих газарт гарсан байна. Нярай эсэн мэнд амаржсан бөгөөд 27 настай бүсгүйн дөрөвдахь хүүхэд байсан гэнэ. Эх сурвалжуудын мэдээлснээр “Хоёрдугаар амаржих газар ердөө 14-хөн ортой болохоор төрсөн хоёр ээжийг хүүхдүүдтэй нь хамт дөрвүүлэнг нь нэг орон дээр унтуулсан гэсэн. Зай багатай  шахцалдан хэвтэснээс, нярайлсан ээж дугхийх зуур хүүхдээ хөхөөрөө дарсан. Хоёрдугаар амаржих газар буруутай” гэв. 

 Харин Хоёрдугаар амаржих газрын дарга Б.Оюунханд “Энэ тухай цагдаагийн байгууллагаас тодруул” гэв. 

Энэ тухай цагдаагийн байгууллагаас тодруулж эргэн мэдээлэх болно.