Маск-ынхан ганцхан бөө шүтдэг

Олны хайртай Сампил дүрээрээ нэг хэсэг од болж байсан Ц.Ганзориг сахиусаа залж бөө болсоор хэдэн жилийг ардаа орхиж байгаа билээ. Тэгвэл Монгол бөө Сампил Америкт очиж Холливуд уулыг тахисан гэнэ. Ямартай ч “Маск”-ынхан улс дамнан залрах бөөгөө тун их хүндэлдэг гэнэ шүү.

 “Маск” продакшны жүжигчин Ц.Ганзоригийг хүмүүс Сампил гэдгээр нь сайн танина. Жамц баян гэгддэг Д.Найданы зээ хүү тэрбээр “Мөрөөдлийн хөлөг онгоц”, “Овжин охид” кинонд тоглосноор олонд танигдсан. Тиймээс түүний хүмүүс “Овжин охид” киноны Сампилийн дүрээр нь нэрлэсэн нь энэ. Хэр баргийн жүжигчин бүтээсэн дүрээрээ нэрлэгддэггүй. Харин Ц.Ганзориг анхны уран бүтээлээрээ нэрлэгдсэн нь хэрэв тэрбээр хошин урлаг биш, тайз дэлгэцийн урлагаар явсан бол өдийд нэлээд дээгүүр давхиж явахыг илэрхийлдэг гэнэ. Гэсэн хэдий ч тэрбээр хошин урлагийн жүжигчин болсноороо нэг их хохироогүй болов уу. Ямартай ч хамтлагийн гишүүдийнхээ акулуудтай мөр зэрэгцэн яваа нэгэн.