Нисдэг тэргээр ан хийдэг бийлэгжүү залуус

Сүүлийн өдрүүдэд Ж.Энхбаяр, Н.Номтой баяр хоёрыг тусгай хамгаалалттай газар зугаагаа гаргаж, хулгайн ан хийсэн тухай мэдээлэл хэвлэл, мэдээллээр цацагдах болжээ. Тодруулбал саяхны нэг өдөр УИХ-ын гишүүн Ж.Энхбаяр найзуудын хамт Хан Хэнтийн тусгай хамгаалалттай газарт ан хийжээ. Харин яг энэ цаг хугацаатай давхцан УИХ-ын гишүүн Н.Номтойбаяр өөрийн компанийн нисдэг тэргээр ан хийсэн тухай эх сурвалжууд мэдээлсэн байна. Харин Ж.Энхбаяр хаанахын нисдэг тэргээр ан хийсэн, ангийн хорхойтой залуус үгсэж, хулгайн ан хийсэн эсэх зэргийг мэдэх боломжгүй байгаа ч Хан Хэнтийн тусгай хамгаалалттай газрынханы яриагаар бол Ж.Энхбаяр, Н.Номтойбаяр хоёрын анд явсан нь эхний удаагийнх биш ажээ. “Өдрийн сонин”-д мэдээлснээр бол тэд чоно, буга, бодон агнасан бололтой. Тэдний агнасан амьтдын тоог одоогоор тогтоож амжаагүй байгаа ч Улсын мөрдөн байцаах газарт байгуулагдаад удаагүй байгаа Байгаль хамгаалах журмын эсрэг гэмт хэрэг мөрдөх хэлтсийнхэн анхааралдаа аваад байгаа гэнэ.

Хүний амь нас аврах туцлгамдсан цагт нисдэг тэрэг нь олддоггүй мөртлөө бийлэгжүү хэсэг нөхдүүдийн зугаагаа гаргах болохоор хаанаас ч гэсэн олддог бололтой.