“Гарал угсаа” УСК үзэгчдийг байлдан дагуулж байна

“Black Zebra”, “Aptitude joy” уран бүтээлийн нэгдэл, “Монголын Дэлгэцийн Жүжигчдийн Академ”-ийн хамтарсан бүтээл “Гарал угсаа” уран сайхны кино нээлтээ хийгээд удаагүй байгаа. Авъяаслаг залуу найруулагч Т.Билэгжаргалын найруулсан энэхүү кино нээлтээ хийсэн цагаасаа өнөөдрийг хүртэл үзэгчдийн талархлыг хүлээгээд байгаа бөгөөд орчин цагийн шилдэг бүтээлүүдийн нэг юм. Уг кинонд Төрийн соёрхолт, Ардын жүжигчин Н.Сувд, Ардын жүжигчин П.Цэрэндагва, Гавьяат жүжигчин Г.Равдан, УДЭТ-ын жүжигчин Г.Эрдэнэбилэг, “Мөрөөдлийн театр”-ын жүжигчин Т.Баттулга, УДЭТ-ын жүжигчин Л.Баттөр, “Гурван охин” хамтлагийн дуучин Г.Анхмаа, жүжигчин Д.Алдармаа, М.Цэрэндолгор, Р.Баттогтох, Цэнгэлжаргал гээд олны танил болсон сайн уран бүтээлчид болон шинэ залуу жүжигчид оролцон тогложээ. Тоглосон жүжигчдээсээ л уг уран бүтээл хэр чанартай болсон нь мэдэгдэх энэхүү кино үйл явдал болоод жүжиглэлт, зураг авалт гээд бүх л талаараа үзэгчдийг үнэхээр байлдан дагуулаад байгаа юм.