Дугуйчдын ялалт

Монголын Дугуйн “CCN Mongolia” баг нь  2012 оны 11 сарын 18-20-ны өдрүүдэд БНХАУ-ын Фужоу хотноо зохиогдсон Дэлхийн Дугуйн Холбооны “А” зэрэглэлийн “Tour of Fuzhou”- олон өдрийн уралдаанд 17 орны 22 баг уралдаснаас багаараа 9-р байрт шалгаржээ.

Мөн 11 сарын 25-ны өдөр Ухан хотноо зохиогдсон “SKODA CUP” тэмцээнд спортын мастер Б.Марал-Эрдэнэ түрүүлж, 2-р байрт спортын мастер Ж.Өлзийбаатар, 3-р байрт Спортын мастер А.Алтансүх, 5-р байрт Спортын мастер Т.Төгөлдөр нар шалгарч Монголын дугуйчид багаараа 1-р байр эзэлж  “SKODA CUP” тэмцээний цомын эзэд боллоо.

11 сарын 30-наас 12- сарын 4-ны өдрүүдэд БНХАУ-ын Нанчан хотноо  зохиогдсон “Tour оf Po Yang Lake” олон өдрийн уралдаанд Франц, Австрaль, Герман, Голланд, Казакстан, Шинэ Зеланд, Монгол, Хятад, Тайвань, Хонг Конг, Иран, Индонез, Макао зэрэг 11 орны 15 багийн тамирчид хурд хүчээ сорилоо. Тус тэмцээнд:                                                                                                                                                                                                                                                                           

1-р этапд залуу тамирчин Э.Мөнхтулга 3-р байрт, 4-р байрт Спортын мастер Т.Төгөлдөр шалгарч, багийн дүнгээр 1-р байрт-шалгарсан бол                              

2-р этапт Спортын мастер А.Алтансүх түрүүлж шар цамцны эзнээр тодорч, 3-р байрт Э.Мөнхтулга, 4-р байрт Т.Төгөлдөр харин 4-р этапт Спортын мастер Т.Төгөлдөр 2-р байранд тус тус шалгарлаа.

Тэмцээнийг хувийн нийлбэр дүнгээр Спортын мастер А.Алтансүх тэргүүлж шар цамцаа хадгаллаа. Тэмцээний 3, 4-р байрт Спортын мастер Т.Төгөлдөр, залуу тамирчин Э.Мөнхтулга нар тус тус шалгарч багийн нийлбэр дүнгээр МУГТамирчин Ж.Өлзий-Орших дасгалжуулагчтай монголын дугуйн “CCN Mongolia”  баг түрүүллээ.                                                                                                                                                                                                                                                

Манай дугуйчид БНХАУ-ын Шинзэн хотноо бэлтгэлээ хангаад 12-р сарын 17-22-ны өдрүүдэд Вьетнам Улсад зохиогдох “Tour of Vietnam 2012” Олон Улсын Дугуйн Холбооны “А” зэрэглэлийн олон өдрийн уралдаанд оролцохоор зорино.