Монголын уран нугараач Э.Лхагва-очир ОУ циркийн наадамд үнэмлэхүй амжилт гаргалаа

Монгол хүн дэлхийн аль ч улс оронд очсон эх орныхоо нэрийг өндөрт өргөн ирдэг билээ. Үүний тод жишээ болж Монголын үндэсний циркийн жүжигчин СТА Э.Лхагва-очир  БНСВУ-ын Ханой хотноо зохиогдсон Олон улсын циркийн 4 дүгээр наамдын гранпри алтан цомын эзэн боллоо.Тус тэмцээн энэ сарын 15-21ны өдрүүдэд зохиогдсон бөгөөд тус наадамд 60 гаран жүжигчид хоорондоо 35 үзүүлбэрээр өрсөлдсөнөөс манай улсын жүжигчин илт давуу түрүүлсэн юм.

Э.Лхагва-очир нь гар дээрх тэнцвэрийн үзүүлбэрийн  төрөлд үндэсний бүжгийн өнгө аяс ,уран нугаралт ,тэнцвэрийн гайхамшигийг үзүүлсэн юм.Түүний үзүүлбэрийн талаар  Веатнамын сонин сэтгүүлүүд шуугиж байсан бөгөөд “Монголын уран нугараач Э.Лхагва-очир  арилашгүй толбоо үлдээгээд явлаа “хэмээн онцлон нийтэлжээ.Э.Лхагва-очир хувьд одоогоор Ододтой бүжиглэе 3” шоунд мөн өрсөлдөж байгаа юм.