Өсөхбаяр аварга ихэр үү

Таны өөр нэг хувилбар хорвоогийн хаа нэгтэй явдаг гэдэгт та итгэдэг үү. Магадгүй та итгэхгүй ч байж магад. Итгэхгүй байя гэхэд нэг бус удаа андуурмаар адилхан хүмүүс тааралдах нь үнэн болохыг  гэрчилэх мэт. Бид бүхэн өмнө нь төрөл садангийн ямар нэгэн холбоогүй ч хоорондоо ихэрүүд гэмээр адил хүмүүсийг мэдээлж байсан бол энэ удаад Өсөхбаяр аваргын төөрөлдсөн ихэр гэмээр адилхан нэгэн эрхэмийг толилуулж байна. Энэ хүн бол яруу найрагч  Н.Энхбаатар юм. Энэхүү найрагч маань Өсөхбаяр аваргын найз нь бөгөөд Айргаар цэнгэгч орон, Тэргүүн хамбын нутаг, Атар тал нутаг гэх мэт шүлэг, найргаараа алдаршсан нэгэн юм байна. Мөн удахгүй өөрийнхөө бичсэн дуу, шүлгүүдээрээ монгол бөхийн өргөөнөө бие даасан хоёр дахь тоглолтоо буюу дуун цэнгүүнээ хийхээр төлөвлөж байгаа аж.