Утаа гаргахгүй бүсийн хилийг тэлж, зөрчсөн иргэдийг торгоно, аж ахуйн нэгжүүдийг хаана

Нийслэлийн төвийн зарим дүүрэг хороодод утаа гаргаж болохгүй бүсийг Нийслэлийн засаг даргын захирамжаар 2010 онд батлаж байсан билээ.

Тэгвэл энэ хугацаанд хотын А зэрэглэлийн бүс, Хан-Уул дүүргийн барилгажилтын бүсэд утаа гаргаж байсан аж ахуйн нэгж болон иргэд дэд бүтэцгүй боловч халаалтын системээ цахилгаанаар шийдэж байгаа тул энэхүү “Утаагүй бүс”-ийг улам өргөжүүлэх санаачлага гарсан байна.

Нийслэлийн Сүхбаатар 13,14 Чингэлтэй 12, 13 дүүргийн хойд хороодууд Баянзүрх Сонгинохайрхан дүүргийн зарим хороодуудыг хамарсан утаагүй бүсийг шинээр батлан удахгүй мөрдөж эхлэх юм.

Эдгээр бүсүүдэд утаа гаргасан иргэдийг 200,000 хүртлэх төгрөгөөр торгон, байгууллага аж ахуйн нэгжүүдийн газар эзэмших болон ашиглах гэрчилгээг хураах санал гаргасан бөгөөд “Бүр Олуулаа Бүхлээр нь Шинэчилье” аяны хамт олон нийслэлийн засаг дарга Э.Бат-Үүлд өргөн барьсан байна.