ZZ-ийн “Number11” тоглолт болж өндөрллөө

Дуучин, яруу найрагч ZZ буюу Э.Золзаяа олон хит уран бүтээлийн эзэн. Зууны манлай эстрадын дуучин, поп дива  Б.Сарантуяагийн “Өнөөдөр ирсэн дурлал”, “Вива”, “Киви” хамтлагийн “Болдоггүй шүү”, “Hot Line”, “Гурван охин” хамтлагийн “Stupid boy”, “Дэлхийн ягаан зүрх”, “Bambino” зэргийн нэрлэж болно. Энэ мэтчилэн хит болсон уран бүтээлүүдээрээ өчигдөр  “Number 11” нэртэй бие даасан анхны тоглолтоо Монгол “Бөхийн өргөө”-нд үзэгчиддээ өргөн барилаа. Дашрамд дуулгахад түүний төрсөн өдөр арваннэгдүгээр сарын 11-нд тохиодог аж. Тиймээс тоглолтоо “Number 11” гэж нэрлэсэн байна. Тоглолт нь улаан хивсний ёслолоор эхэлж, нижгэр сайхан тоглолт болсон билээ. Тоглолтонд  гавьяат жүжигчин Б.Сарантуяа, дуучин О.Анхбаяр, Б.Халиун, С.Бичүү, Соко, Амараа, Бобо, “Гурван охин”, “Киви”, “Гурван бүдүүн”, “Hot spot”, “Anemone”, “Crush bash” мөн Making The Band 3 шоунаас төрсөн MixX хамтлаг анх удаа тайзнаа гарсан нь үзэгчидэд ихэд таалагдлаа.