Одончимэг тайзнаа дахин гарахгүй

Хошин урлагийн анхдагч акулуудын нэг “Х Түц” продакшны жүжигчин Одончимэг 2 дахь үрийнхээ зулай үнэрлэж уран бүтээлээ хэсэг хугацаанд хөндийрсөн. Харин эргэн ирэхдээ жүжигчин бус “Odno`s talk show” нэвтрүүлгийг хөтлөгч болж үзэгчидтэйгээ уулзах болсон. Түүний ток шоу богинохон хугацаанд олонд танигдаж үзэгчдийн хүсэн хүлээдэг нэвтрүүлгүүдийн нэг хэдийнээ болжээ. Хошин урлагийн салбарт үнэнч зүтгэж, үргэлж үзэгчдэд инээд хөөр, гуниг ухаарлыг бэлэглэдэг гавъяат маань сүүлийн үед тайзнаасаа бууж, зодог тайлах тухай яригдах болсон байна. Тэрээр мөн хамтлагийнхандаа ч тайзаа орхих бодолтой байгаагаа хэлсэн гэнэ. Амьдралынхаа туршид хошин урлагаар уран бүтээл туурвисан Одноо ийн тайзнаасаа буувал түүний орон зай хэсэгтээ л үгүйлэгдэх байх даа.