Америкчууд зөв сонголт хийлээ

Admin

2012/11/08

“Америкчууд зөв сонголт хийлээ. Тэр шилдгийн шилдэг ерөнхийлөгч биш ч Бүгд найрамдах намын Митт Ромнигаас илүү шүү дээ” хэмээн DW радиогийн тоймч Кристина Бергман үзэв.

Кристина Бергман

Санхүүгийн бодлогын чиглэлд АНУ-ын ерөнхийлөгч Барак Обама зарим нэг зүйлийг хийж чадсан. Тэр АНУ-ын эдийн засгийг уналтаас гаргаж, түүнийг давтагдахаас хамгаалж чадсан. Ерөнхийлөгчийн суудалд сар ч болоогүй шахуу байхдаа эдийн засгийг төрөөс дэмжих 787 тэрбум ам.долларын багц арга хэмжээг авсан. Тийм маягаар банкуудыг аврах гэсэн нь өмнөх Ерөнхийлөгч Жорж Бушийн анхны алхмыг давтсан. Одоо АНУ-ын эдийн засаг тийм ч сайн биш байдалд байгаа. Ажилгүйдлийн төвшин найман хувь орчим байгаа нь Америкийн стандартаар бол том үзүүлэлт. Гэхдээ шинжээчид Обама тэр арга хэмжээг аваагүй бол байдал улам ч ээдрээтэй болох байсан гэж хэлдэг.

Өр ба ажилгүйдэл

Дараагийн ерөнхийлөгчийн бүрэн эрхийн хугацаанд Обамаг хүлээж байгаа том шалгуур бол эдийн засгийн хямрал. АНУ-ын өрийн хэмжээ 16 их наяд ам.доллар. Татварыг нэмж, улсын зарлагыг бууруулна гэж Обама хэлсэн байгаа. Энэ нь Математик талаасаа улс орныг хямралаас гаргах цорын ганц зам юм. Харин тэдний эсрэг бүгд найрамдахчууд, Митт Ромни байгаа бөгөөд тэр татвар нэмэгдүүлэхийн эсрэг байгааг мартаж болохгүй.

Нийгмийн салбарын зорилтууд

Өөрийн хуулийн санаачилгаа нийгмийн шаардлага болгохоор Обама ихээхэн чармайлт гаргасан. Жишээлбэл, эрүүл мэндийн салбарын шинэчлэл. Барак Обамагийн ерөнхийлөгчийн хоёр дахь хугацаа нь сая сая америкчуудад өвчин зовлонтой үедээ эмнэлэгийн даатгалтай байж, санхүүгийн сүйрэлд орохгүй байх боломжийг өгч байгаа аж. Митт Ромни тэр үйлдлийг эхнээсээ зогсооно гэсэн юм. Обама бусад хуулийн санаачлагаараа бахархаж болно. Тэдний нэг нь жишээлбэл, хэрэв эмэгтэйчүүд эрэгтэйчүүдийн адил ажил хийж байгаа бол адилхан хөлс авах эрх юм. Өөр нэг нь цэргийн алба хааж буй гомо нарт өөрийн хандлагаа чөлөөтэй хэлэх эрх болов. Энэ бүгдийн хажуугаар ерөнхийлөгч Обамагаас цагаачлалын бодлогод хүмүүнлэг хандлага гарна гэж хүлээж болно. АН7У-ын эдийн засагт нэмэр хандиваа оруулж буй хэсэг бөүлгийн эрхийг бүгднайрамдахчууд хязгаарлахын төлөө байгаа.

Урьдчилан хэлж болохоор гадаад бодлого

Гадаад бодлогын хувьд Барак Обама бүхнийг зөв хийгээгүй. Иранд болж байсан жагсаал, Сирийн асуудалд тэр нэлээд шийдвэргүй хандсан. Ливийн цэргийн ажиллагаа үүний шилдэг жишээ нь болно. Обама сүүлийн дөрвөн жилд тайван, итгэлтэйгээр улс орноо удирдсан. Хэрэв Митт Ромни ерөнхийлөгч болсон бол бүгд найрамдахчууд санаа бодлоо эрс өөрчилдөг учраас гадаад бодлого хэрхэн явагдахыг таах аргагүй болох байлаа. АНУ-д бодит хэмжээний чухал тэргүүн хэрэгтэй. Тийм ч учраас америкчууд Барак Обамаг дахин сонголоо.

Сүүлд нэмэгдсэн мэдээ