“WWW”-г үндэслэгч

“World wide web” буюу “Дэлхийг холбогч сүлжээ”- г үндэслэгч Сэрь Тимоти Жон Бернерс-Ли 1955 оны энэ өдөр мэндэлжээ.

Тэрбээр европийн цөмийн судалгааны төвд ажиллаж байхдаа өндөр хурдтай текстийн онолыг боловсруулж интернэтийн эхийг тавьсан Их Британийн эрдэмтэн юм.

Тэрбээр өөрийгөө дэлхийг холбосон гүүр бүтээнэ хэмээн хэзээ ч бодож байгаагүй байх. Учир нь Бернерс өөрийн судалгаандаа зориулан хэрэглэхэд амар датабейс зохиохыг хичээж байжээ. Тухайн үед хэрэглэж байсан датабейс нь түүний ажлын хэрэгцээнд төдийлөн хүрэхгүй байж. Ингээд тэр нэгэн санаа бодож олсон нь материалуудаа хооронд нь “hypertext” ашиглан холбох явдал байв.

Энэ нь нэг материалыг уншиж байхдаа өөр нэг материалын нэр дунд нь тааралдах юм бол тухайн нэрийг “link” буюу холбоос ашиглан шууд унших явдал байв. Тэрбээр энэхүү төсөөлшгүй гайхалтай зүйлээ 1986 онд бүтээсэн нь өдгөө интернэтийн үүсэл болжээ.