Ганаад нэрээ л солих үлдлээ

Камертоны Ганаа дуучин мэргэжлээ сэтгүүлчээр сольж, эхнэр хүүхдээ ч сольж  “хайр гэдгийг одоо л амсаж байна” хэмээн "Жигүүр Гранд" группын захирал Баттөрийн охинтой тоонт гэрт толгой холбосон. Тухайн үед Ганааг ажил мэргэжлээ солихыг нь найз нөхөд нь дэмжиж байсан ч эхнэр хүүхдээ сольсоныг нь олон хүн эсэргүүцэж байсан юм. Тэгвэл Ганаа энэ удаа дахин мэргэжлээ сольж “Эко” телевизийн ерөнхий продюсер болжээ. Нэг хэсэг NTV телевизээр “Ганаа мэргэжилээ сольсон нь” нэртэй нэвтрүүлэг хөтлөж, багагүй үзэгчидтэй болоод байсан юм. Гэвч дуучин залууд энэ бүхэн хангалтгүй санагдсан бололтой. Ямар ч байсан Ганаа дахин мэргэжлээ сольж олныг гайхшруулж чадлаа. Харин одоо түүнд нэрээ л солих үлдэх шив дээ.