Сүндрээ жирэмсэн бүсгүйчүүдэд зориулан ном гаргана

“Sweetymotion” хамтлагийн дуучин бүсгүйчүүд ээж болоод байгаа. Ц.Сарнай хоёр дахь хүүхдээ тээж байгаа бол өнгөрсөн онд Г.Сүндэрээ нь гүнжтэй болсон билээ.

Тэрбээр хүүхэдтэй залуутай гэр бүл болж, сайхан амьдарч байгаа юм. Тэрбээр “Манай том охиныг Эгшиглэн гэдэг. Бага охинд Гийгүүлэн гэдэг нэрийг аав нь их л бодож өгсөн. Эгшиг, Гийгүүлэгч хоёр ижил тэнцүү утгыг нь бодож өгсөн” гэж ярьжээ.

Дуучин бүсгүйн хувьд энэ онд уран бүтээлийн төлөвлөгөөгөөс гадна охид, бүсгүйчүүдэд зориулж өөрийнхөө дасгал, хөдөлгөөний ном, CD-г гаргах том ажилтай байгаа гэнэ. Жирэмсний үед ямар дасгал, сургуулилт хийх, төрсний дараа яавал хурдан жингээ хаях талаар дэлгэрэнгүй өгүүлсэн ном гаргахаар бэлтгэж байгаа юм байна.