Сурагч охин архины улмаас нас баржээ

Монголчуудын архидалт жил ирэх тусам залуужсаар байгаа мэт. 11 жилийн сурагчид гэгээн цагаан өдрөөр согтуу хөлхөж, шөнийн цэнгээний газар цагийг нөхцөөдөг нь нууц биш. Үүний нэгэн тод жишээ болохуйц харамсалтай мэдээ дуулгая. Өвөрхангай аймгийн Сант сургуулийн 11 дүгээр ангийн сурагч охин архинд хордож амиа алдсан гэх мэдээг эх сурвалжаас авлаа. Түүнийг гэрийнхээ ойролцоо жалганд ил харагдах шархгүй нас барсан байхад нь ээж нь олжээ. Урьдчилсан байдлаар осгож нас барсан гэх дүгнэлт гараад байгаа аж. Харин яг ямар шалтгаанаар амиа алдсаныг шинжилж байгаа бөгөөд шинжилгээний хариу удахгүй гарна гэнэ. Амиа алдсан охин ангийнхаа дөрвөн охинтой хамт архи ууж улмаар хордсон байж болзошгүй гэх урьдчилсан таамаглал дэвшүүлээд байна. Уг хэргийг аймгийн цагдаагийн хэлтэст үргэлжлүүлэн шалгаж байгаа аж.