Жүжигчин Баярмагнайд зарим хүмүүс таагүй ханддаг

Маск продакшны жүжигчин Баярмагнай нь оюутан ахуй байхаасаа л хөдөлгөөнтэй, сэргэлэн хүүхэд байсан гэдэг. Өөрийнхөө болон дүү нарынхаа сургалтын төлбөрийг зуныхаа амралтаар тарваганы арьсны наймаа зэрэг жижиг ганзагын наймаагаар олж аав ээждээ нэг их ачаалал үүрүүлдэггүй байсан гэж мэдэх нэг нь ярьдаг юм билээ.  Тэрээр СУИС-ыг төгсөөд УДЭТ-д ажиллаж байгаад хошин урлагийн нэрт мастер Батзаяагийн доор хошин урлаг руу орсон бөгөөд энэ нь өнөөдрийн энэ амжилтанд хүрэх анхны алхам байжээ. 

Багын дотны андуудаа хэзээ ч хаядаггүй бөгөөд ядарч яваа найздаа туслахад хэзээд бэлэн гэж хүмүүс түүнийг магтацгаадаг. Харин түүний хэтэрхий гэнэн цайлган зан нь заримдаа өөрт нь гай болдог гэдэг. Одоо түүнийг Монголд танихгүй хүн байхгүй гэхэд нэг их буруудахгүй болов уу. Баярмагнайтай гудамжаар юм уу аливаа үйлчилгээний газар таарсан хүмүүс түүнийг хүндэлж, мэндэлж өнгөрдөг нь жүжигчинд маань таатай байдаг аж. Харин зарим нэг нь түүн ихэд таагүй ханддаг гэнэ. Учир нь “за алив бид нарыг нэг сайхан инээлгээдэх” хэмээн бүдүүлэг аашлах нь огт таалагддаггүй хэмээн жүжигчин Баярмагнай ярьжээ.