Хурдын Отгоо онцгой байлаа

Хурд хамтлагийн гитарчин Отгонбаяр урлагт хорин жилийн турш сэтгэл зүрхээ зориулан цуцалтгүй хөдөлмөрлөхдөө ямар их зүйлийг амжуулсаныг хүн болгон тэр бүр мэдээд байдаггүй. Тэрээр зохиосон олон ая дуугаараа “Хурд” хэмээх нэрээр овоглуулсан олон сайхан дууг чимж ирсэн.  Гэхдээ энэ нь түүний авъяас билгийн нэгээхэн хэсэг билээ.  Юу гэвэл түүний зохиосон олон дуунуудыг манай үе үеийн хамтлаг дуучид дуулан түүгээр Монголын рок попын тэнгэрт од болон гялалзсаар ирсэн юм. Энэ сайхан уран бүтээлүүдээрээ саяны хэдэн өдөр “Чи минь байгаа болохоор” тоглолтоо рок попын шилдгүүдийн хамт хийсэн юм. Энэхүү тоглолт нь бусдаас онцгой байж, жинхэнэ амь тоглолт гэж ямар байдгийг фэн олондоо мэдрүүллээ.