Чинбаа үнэхээр “од” юм байна

Хөгжимчин Чинбаагийн нүсэр тоглолтын талаар мэдээлэл хэдийнээ Монгол түмний дунд шуугиан дэгдээж, тоглолтыг хуруу даран тоолон хүлээж буй хүмүүс олон ажээ. Түүний энэ сарын  17, 18, 19-нд болох тоглолтын билет дуусч байгаа бөгөөд билетний эрэлд гарсан хүмүүс энд, тэнд таарах нь Чинбаа үнэхээр Монголдоо нэртэй од хөгжимчин юм гэх сэтгэгдлийг эрхгүй төрүүлнэ. Хаа хол  Монголын баруун хязгаар Ховд аймгаас түүний тоглотыг зорин ирж үзэхээр хэд, хэдэн билет захиалаад байгаа гэнэ. Ийнхүү ард олныг хуйлруулж, хайлуулж буй хөгжимчин Чинбаа Монголдоо дахин давтагдашгүй сайхан тоглолт үзүүлж, үзэгч олноо хөгжмийн сайхан аязуудаараа уяраан баясгана гэдэгт найдаж байна.