“Прокурор Г.Баясгалан 16 настай охиныг хөнөөсөн хэрэгт анхнаас нь хяналт тавьсан учир түүний хүсэлтийг хүлээн авч, шүүх хурлыг хойшлуулсан"

Нийслэлийн давж заалдах шатны шүүх хурлаар “Хохирогч 16 настай охиныг хөнөөсөн” хэргийг хэлэлцэх хуралд прокурор хүрэлцэн ирээгүйгээс хойшилсон гэх асуудлын талаар Нийслэлийн прокурорын газраас тодрууллаа.

Прокурор Г.Баясгалан Өмнөговь аймгийн Ханбогд сум дахь сум дундын шүүхэд хуралд оролцож, хурал давхцах болсон учир өнөөдрийн давж заалдах шатны шүүх хурлыг хойшлуулах тухай хүсэлтийг давж заалдах шатны шүүхэд урьдчилан хүргүүлсэн. Учир нь прокурор Г.Баясгалан “16 настай охиныг хөнөөсөн” хэрэгт анхнаас нь хяналт тавьж ажилласан, давж заалдах шатны шүүх хуралд биечлэн оролцох шаардлагатай гэж үзэж ийнхүү хойшлуулах хүсэлт тавьсан. Иймд өмгөөлөгч нар нэгнийхээ ажилд хүндэтгэлтэй хандаж, прокурор хүндэтгэн үзэх шалтгаангүй хурал хойшлуулсан талаар ташаа мэдээлэл тараахгүй байхыг хүсье гэлээ.

Эх сурвалж: Isee.mn