Хамтран амьдрагчаа хөнөөж, цогцсыг нь шүүгээнд нуусныг дүү нь цагдаагийн байгууллагад мэдээлжээ

Moderator

2025/09/29

Хамтран амьдрагчаа хөнөөж, цогцсыг нь шүүгээнд нуусан онц ноцтой гэмт хэрэг гарчээ. Тодруулбал, 45 настай эрэгтэй нь өөрийн хамтран амьдрагч болох 30 настай эмэгтэйг хөнөөсөн байна. Уг дуудлагыг сэжигтэн этгээдийн дүү нь анх цагдаагийн байгууллагад мэдэгдсэн аж.

Тодруулбал, дүү нь "Манай ах өөрийн хамтран амьдрагчаа алсан гээд 2,3 хоног дараалж архи уулаа. Шалгаж өгнө үү" гэжээ.

Уг дуудлагын дагуу шалгалтын ажиллагаа явуулахад тус эрэгтэй нь хамтран амьдрагчаа хөнөөгөөд цогцсыг нь шүүгээнд нуусан байсныг цагдаагийнхан олж, өдгөө уг хэргийг Мөрдөн байцаах албаны Хүнд гэмт хэрэгтэй тэмцэх хэлтэст шалгаж байна.

Тэрбээр хамтран амьдрагчаа энэ сарын 21-нд хөнөөсөн бөгөөд цогцсыг өнгөрсөн бямба гарагт буюу 6 хоногийн дараа олсон аж.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ