ХАЛЗАНБҮРЭГТЭЙН СОНСГОЛ: Хайгуулын тусгай зөвшөөрөл 2000 онд, иргэнд олгогджээ

Газрын ховор элементийн Халзан бүрэгтэй ордын асуудлаар УИХ-ын “Ерөнхий хяналтын сонсгол” Төрийн ордонд болж байна.

Ордоор Халзан бүрэгтэй орд, Газрын ховор элементийн талаар мэдээллийг өгөх бөгөөд сонсгол товлосон цагаасаа бага зэрэг хоцорч эхэлсэн /09.00 цагт эхлэхээр товлосон байсан.

Одоо ордын түүх, лиценз олголт, эзэмшил солигдсон байдлын талаар мэдээлэл өгч байна. 
 
Халзанбүрэгтэй ордын хайгуулын лиценз /XV-002797, 2,439.72 га/ анх 2000 оны 12 дугаар сарын 11-нд иргэн Б.Зулд олгогджээ. Харин иргэн Б.Зул нь хайгуулын лиценз авснаасаа сар гаруйхны дараа буюу 2001 оны нэгдүгээр сарын 15-нд “Монтем” ХХК-д бүхэлд нь шилжүүлсэн байна. 
  
“Монтем” ХХК нь жилийн дараа буюу 2001 оны 12 дугаар сарын 28-нд XV-002797, 2,439.72 га хайгуулын тусгай зөвшөөрлийнхөө 91.39 га талбайд MV-004003 дугаартай ашиглалтын тусгай зөвшөөрөл авсан байна. 
  
Мөн 2004 оны хоёрдугаар сарын 5-ны өдөр XV-002797, 2,439.72 га хайгуулын тусгай зөвшөөрлийнхөө 7.2 хувь буюу 175.25 га талбайд MV 00-6911 Ашиглалтын тусгай зөвшөөрөл авсан байна. 

Үүнээс хойш ашиглалтын хоёр тусгай зөвшөөрөл нь 2009 оны тавдугаар сарын 13-нд “Бошго уул” ХХК-д шилжсэн ч 2011 онд Дээд шүүхийн шийдвэрээр буцаад “Монтем” ХХК-д очжээ. 
 
Тэндээсээ 2011 оны гуравдугаар сарын 22-ны өдөр одоогийн эзэмшигч “Монголиан рийр ийрт корп” ХХК-д бүхэлдээ /175.25-91.39 га/ шилжжээ.