“Үйлдвэр технологийн парк”-ийн хөгжлийн төлөвлөгөө болон ган үйлдвэрлэлийн цогцолбор байгуулах төслийн ажлын хэсэг хуралдлаа

Ерөнхий сайдын захирамжийн дагуу Ажлын хэсгийн ахлагчаар Тэргүүн шадар сайд бөгөөд ЭЗХ-ийн сайд Н.Учрал, ажлын хэсгийн бүрэлдэхүүнд Аж үйлдвэр, эрдэс баялгийн сайд Г.Дамдинням, Байгаль орчин, уур амьсгалын өөрчлөлтийн сайд Б.Батбаатар нар болон бусад төлөөлөл ажиллана.

Дархан Сэлэнгийн бүсийн “Үйлдвэр технологийн парк”, түүнд тулгуурласан “Ган үйлдвэрлэлийн цогцолбор” байгуулах төсөл нь ойрын хугацаанд хэрэгжүүлэх хөгжлийн төслүүдэд багтсан, урьдчилсан суурь судалгаагаар 412,2 сая ам.долларын хөрөнгө оруулалт шаардлагатай, ашиглалтад орсны дараах тооцооллоор үйлдвэрлэлийн үр ашиг, ач холбогдол өндөр төслөөр тооцогдож байна.

Төслийн Техник эдийн засгийн үндэслэлийн тодотголыг батлуулан, гүйцэтгэгч сонгон шалгаруулах ажлыг 2025 оны 3 дугаар улиралд багтаан зохион байгуулахаар төлөвлөж байна.