Улаанбаатар хотын 176 уулзвар, гарц, авто замыг иж бүрэн камержуулж, 10 төрлийн зөрчлийг AI ашиглан илрүүлнэ

Moderator

2025/06/24

Нийслэлийн “Теле камерийн нэгдсэн төв” болон нутгийн захиргааны байгууллагын дэргэд буюу 9 дүүргийн Засаг даргын дэргэд Теле камерийн хяналтын дэд төвийг байгууллаа.

Улаанбаатар хотын тулгамдаж буй асуудал болох авто замын түгжрэлийг бууруулах,хотын хэмжээнд гарч буй гэмт хэрэг, зөрчил, зам тээврийн ослоос урьдчилан сэргийлэх, түүнтэй тэмцэх, таслан зогсоох, илрүүлэх замаар нийтийн хэв журмыг хамгаалах, олон нийтийн аюулгүй байдлыг хангах, иргэдийн аюулгүй амар тайван амьдрах орчныг бүрдүүлэх зорилгоор камерийн системийг нэвтрүүлээд байна.
НИТХ-ын дарга А.Баяр энэхүү ажил Нийслэлийн Засаг дарга Х.Нямбаатарын санаачилгаар хэрэгжиж байгааг онцлоод, нийслэлийн гол гудамж, зам, уулзваруудаас гадна гэр хорооллын гудамж, замууд, орон сууцны хороолол, нийтийн эзэмшлийн болон хувийн хэвшлийн байгууллагуудын бүх төрлийн камерыг ухаалаг нэгдсэн удирдлагын системээр хянаж, гэмт хэрэг, зөрчлөөс урьдчилан сэргийлэх зэрэг олон давуу талтай болж байгааг дурдлаа.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

59.153.114.57

2025/06/24

Би уулзвар дээр гэрэл хүлээгээд зогсож байтал араас түргэн тусламжийн машин ирээд чанга яригчаар цагаан шугамаа давж зогсоод зам тавьж өг гэхээр нь хэлсэн ёсоор нь тэднийг өнгөрүүлтэл тэд удалгүй та гэрлэн дохио зөрчлөө гээд мэдэгдэл ирсэн, Үүний яаж шийдэх вэ?
Хариулах