Өмнөговь аймгийн худалдан авах ажиллагааны газрын дарга Э.Ганхуягийн төрсөн дүү 7.9 тэрбум төгрөгийн тендерт ялжээ

Өмнөговь аймгийн Засаг дарга Н.Энхбат,  ангийн анд худалдан авах ажиллагааны газрын дарга Э.Ганхуяг нарын “ТЕНДЕРИЙН ХУЛГАЙ”-н хардлага, сэрдлэгэ  сүүлийн өдрүүдэд нийгмийн сүлжээнд цацагдлаа.   Тэдгээр мэдээллийг нягталж үзвэл иргэдийн бухимдал, мэдээллийн сайтуудын хардаж бичсэн байдал  худал гүтгэлэгэ гэхээсээ  үнэхээр шүүмжилж бичихээр  гэдгийг Opendata сайтын мэдээлэл бататгаж байна.

Өмнөговь аймгийн Засаг дарга Н.Энхбат түүний ангийн найз нь Э.Ганхуяг мөн бөгөөд Худалдан авах ажиллагааны газрын даргаар томилсон нь үнэн.  Цаашилбал, худалдан авах ажиллагааны газрын дарга Э.Ганхуягийн төрсөн дүү Э.Очирхуягийн эзэмшлийн Хуяг Эрчим ХХК нь 6,2 тэрбум төгрөгийн тендерт ялсан нь гарцаагүй, хөдлөшгүй баримтаар нотлогдож байна.

Ингээд Өмнөговь аймгийн Худалдан авах ажиллагааны газрын дарга Э.Ганхуягийн төрсөн дүүгийн ялсан тендерүүдийг Opendata сайтаас эх сурвалж болгон мэдээлье. Нэг үгээр хэлбэл Э.Ганхуяг гэх худалдан авах ажиллагааны газрын даргын гэр бүлийн тендерийг мэдээлье.

ХУЯГ ЭРЧИМ ХХК-ИЙН ӨМНӨГОВЬ АЙМГААС АВСАН ТЕНДЕРИЙН ЖАГСААЛТ:

• Хөдөлмөр, халамжийн үйлчилгээний газрын дэргэдэх ахмадын сувилалын цэвэр бохир усны шугамыг засварлах - 50,000,000 ₮
• 35/10 кВ-ын 1*2500 кВА чадалтай дэд станц, 10кВ-ын хаалттай хуваарилах байгууламж шинээр барих - 577,000,000 ₮
• Ханхонгор сумын Мандах багийн "Жуулчин говь" жуулчны баазаас баруун тийг 2 км-т байрших ногооны талбайг 10 кВ-ын ЦДАГ-д холбох- 91,151,100 ₮
• Хаяагийн гол, Өнчийн зоон мод үржүүлгийн газруудын 0.4 кВ-ын ЦДАШ-ыг барих- 267,500,000 ₮
• Сумдын цахилгаан эрчим хүчний эрсдэлээс хамааралтай аваарын тасралтыг бууруулах зорилгоор ЦДАШ болон дэд станцыг шинэчлэх, хүчин чадлыг нэмэгдүүлэх /Ханхонгор чиглэлд Жуулчин дэд станц/ (ӨМАОНӨГ/202212003)-
• 638,000,500 ₮
• Тэсгэний 2 худгийг цахилгаанд холбох- 129,000,000 ₮
• Уурхайн ачилтын талбайд ЦДАШугам барих, дэд станцын угсралтын ажил гүйцэтгэх- 179,500,000 ₮
• Даланзадгад сумын Гурвансайхан хорооллын 0.4 кВ-ын цахилгаан дамжуулах агаарын шугамыг байгуулах- 780,000,000 ₮
• Сумдын цахилгаан эрчим хүчний эрсдэлээс хамааралтай аваарын тасралтыг бууруулах зорилгоор ЦДАШ болон дэд станцыг шинэчлэх, хүчин чадлыг нэмэгдүүлэх /Ханхонгор чиглэлд Жуулчин дэд станц- 638,000,500 ₮
• Тэсгэний 2 худгийг цахилгаанд холбох- 129,000,000 ₮
• Уурхайн ачилтын талбайд ЦДАШугам барих, дэд станцын угсралтын ажил гүйцэтгэх- 179,500,000 ₮
• Даланзадгад сумын Гурвансайхан хорооллын 0.4 кВ-ын цахилгаан дамжуулах агаарын шугамыг байгуулах- 780,000,000 ₮
• Сумын төвийн гэр хорооллын 0.4 квт-ын цахилгааны шугамыг өргөтгөх- 80,000,000 ₮
• Ханбогд сумын Дэмчогийн хийд, аялал жуулчлалын бүсийг цахилгааны эх үүсвэртэй холбох- 3,443,000,000 ₮

Эдгээр тендерүүдийн нийт мөнгөн дүн 7,9 тэрбум төгрөг болж байгаа юм.  Эдгээр тендерүүдийн шалгаруулах  ажлын хэсгийн даргаар нь өөрөө ажилласан гэх мэдээлэл ч бий юм.