УИХ-ын чуулганы хуралдаан 10.00 цагт эхэлнэ

Өнгөрсөн шөнө УИХ-ын чуулганы хуралдаанаар Монгол Улсын 34 дэх Ерөнхий сайдаар Гомбожавын Занданшатарыг томилсон билээ. Тэрбээр тун яаралтай буюу энэ 7 хоногтоо Засгийн газрын бүтэц бүрэлдэхүүнээ томилно гэсэн юм.

Тэгвэл УИХ-ын чуулганы өнөөдрийн хуралдаан 10.00 цагт эхлэх товтой байна.

Хуралдааны эхэнд:

-“Эрчим хүч-3 төсөл”-ийг хэрэгжүүлэх Монгол Улс, Олон улсын сэргээн босголт, хөгжлийн банк хоорондын Зээлийн хэлэлцээрийг соёрхон батлах тухай хуулийн төсөл

-Хот байгуулалтын тухай хууль /Шинэчилсэн найруулга/-д нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /хэлэлцэх эсэх/

- Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /анхны хэлэлцүүлэг/

-Улсын дээд шүүхийн шүүгчид нэр дэвшигчийг танилцуулах тухай

-Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд

-Стандартчилал, техникийн зохицуулалт, тохирлын үнэлгээний итгэмжлэлийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /хэлэлцэх эсэх/-үүдийг хэлэлцэхээр төлөвлөсөн байна.