Трансформаторт гарсан түймрийн улмаас таван автомашин, 9 мотоцикл шатжээ

Moderator

2025/05/19

Хаврын хуурайшилтай өдрүүдэд иргэн, аж ахуйн нэгж байгууллагуудаас онцгой байдлын газарт ирүүлж буй гал түймрийн дуудлага тасрахгүй байна. Өнөөдөр Сонгинохайрхан дүүргийн 32 дугаар хорооны “Баянгол” дэлгүүрийн урд трансформаторт гарсан түймрийг онцгой байдлын албан хаагчид бүрэн унтраахаар ажиллаж байгааг мэдээллээ. Гал түймрийн дуудлага 13:51 цагт бүртгэгдсэн бөгөөд энэ дагуу Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, СХД-ийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид ажиллаж байна.

Алба хаагчдыг очиход их хэмжээний хураалттай цахилгааны тоолуур, 5 автомашин бүрэн шатаж, 1 автомашин хайрагдаж, 9 мотоцикл шатаж байсан бөгөөд галын тархалтыг 14:50 цагт зогсоож, бүрэн унтраахаар ажиллаж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ