БНХАУ, Австралид үхлийн аюултай сармагчны цэцэг өвчний халдвар бүртгэгджээ. Тиймээс тэдгээр улс руу зорчих иргэд анхаарал болгоомжтой байхыг ХӨСҮТ-өөс анхаарууллаа.

Халдварт өвчин судлалын үндэсний төвөөс иргэдийг гадаад руу зорчиж буй иргэдэд зөвлөмж, мэдээлэл өглөө. Тодруулбал, гадаад улс орнуудад албан болон албан бусаар зорчих, удаан хугацаагаар амралтаа өнгөрөөх, аялах байдлаар тухайн очиж буй иргэд улс орнуудад ямар өвчлөл зонхилж байгааг судлах, юуг анхаарах, ямар вакцин хийлгээд явах талаар мэдээлэл зөвлөмж авах бүрэн боломжтой гэж ХӨСҮТ-ийн нэгжийн дарга Н.Сувдмаа хэлсэн. Тэрбээр "Дэлхий дахинд анхаарал татаж буй өвчлөл сармагчны цэцэг өвчин.Өнөөдрийг хүртэл 128 оронд бүртгэгдээд байна. Энэ өвчнийг онцгой анхаарах ёстой.

Мөн Хятадад томуугийн А хүрээний вирус дэгдэлт хэвээрээ үргэлжилж байгаа бол Европын улс орнуудад ковидын идэвхжил хэвээрээ байгаа.

Хоёрдугаар сарын 1-ны байдлаар 128 орны 123 мянга гаруй тохиолдол бүртгэгдсэн. Өчигдөр гэхэд Францад нэг, Тайландад гурван тохиолдол бүртгэгдсэн. Энэ нь дандаа өвчлөлтэй улс орнууд руу аялаад ирсэнтэй холбоотой байгаа юм. Мөн БНХАУ, Австрали улс руу манай улсын иргэд их зорчдог тул энэ мэдээллийг анхааруулж байна" гэлээ.