Морин хуурын чуулгын “Монголын сайхан орон” тоглолт Чех улсад болно

Монгол Улсын төрийн дээд шагнал Тэргүүн зэргийн “Чингис хаан” одонт, Соёлын элч Улсын филармонийн Морин хуур найрал хөгжим 2025 оны гуравдугаар сарын 12-ны 13.30 цагт Чех улсын филармони “Рудольфинум”-ын тайзнаа тоглохоор болжээ. Монгол Улс, Бүгд Найрамдах Чех Улсын хооронд дипломат харилцаа тогтоосны 75 жилийн ойн хүрээнд зохион байгуулж буй “Монголын сайхан орон” тоглолтод Чех улсад аж төрж буй иргэдээ хүрэлцэн ирэхийг Монгол Улсаас Чех улсад суугаа ЭСЯ урьж байна. Тоглолтын тасалбарыг Чехийн филармони “Рудольфинум”-ын билетийн кассаас хоёрдугаар сарын 14-ний өдрөөс төлбөргүйгээр авч болно.

Ташрамд дурдахад, “Морин хуур” найрал хөгжмийн шилмэл уран бүтээлийн “Сүүн зам” тоглолт 2025 оны хоёрдугаар сарын 23-нд 15.00 цагаас Соёлын төв өргөөний тайзнаа ганцхан удаа болно.