ХӨСҮТ: Улаанбаатар хотод нийт эмнэлэгт хэвтэгсдийн 40 орчим хувь нь уушгины хатгаатай байна

ХӨСҮТ-ээс улсын хэмжээний томуу, томуу төст өвчний талаар мэдээллийг өнөөдөр өглөө.

Тус долоо хоногт 10 мянга гаруй хүн хэвтэн эмчлүүлснээс 33 хувь нь амьсгалын замын цочмог хүнд халдвар буюу уушгины хатгаатай хэвтэн эмчлүүлж байна. Өвчлөлийн байдлыг хараад үзэхээр орон нутгийн түвшинд нийт эмнэлэгт хэвтэгсдийн 30 орчим хувь нь Улаанбаатар хотод 40 орчим хувь нь амьсгалын замын цочмог хүнд халдвар буюу уушгины хатгаатай байна. Өвчлөлтийн насны бүлгээр аваад үзвэл амбулаториор томуу, томуу төст өвчний улмаас хандан үйлчлүүлж байгаа хүмүүсийн 80 орчим хувь нь 15 хүртэлх насны хүүхдүүд байгаа бол Уушгины хатгаагаар эмнэлэгт хэвтэн эмчлүүлж байгаа хүмүүсийн 90 орчим хувь нь 15 хүртэлх насны хүүхдүүд байна.