ШУУРХАЙ: Б.Хурцын нэхэмжлэлийн шаардлагыг шүүх бүхэлд нь хэрэгсэхгүй болгож, тэрбээр сонгуульд нэр дэвших боломжгүй боллоо

Moderator

2024/06/07

Тагнуулын Ерөнхий газрын дарга асан Б.Хурц, Сангийн сайд асан С.Баярцогт нарын хүмүүс УИХ-ын 2024 оны сонгуульд нэр дэвшихээр Сонгуулийн ерөнхий хороог холбогдуулан шүүхэд гомдол гаргаад байсан бөгөөд Б.Хурцын гомдлыг өнөөдөр шүүх хэлэлцэв.

Тодруулбал, Б.Хурц нь өнгөрсөн тавдугаар сарын 29 /2024.05.29/-ны өдөр АН-ын Үндэсний бодлогын хорооны гишүүний хувиар Сонгуулийн ерөнхий хороог холбогдуулж "АН-аас нэр дэвшигч Б.Хурцыг СЕХ нэр дэвшигчээр бүртгэхгүй байгаа нь хууль зөрчиж байна. Тиймээс СЕХ-ны эс үйлдэхүйг хууль бус болохыг тогтоож, нэр дэвшигчээр бүртгүүлэх"-ээр шүүхэд хандаад байсан юм.

Тэгвэл нийслэл дэх Захиргааны хэргийн давж заалдах шатны шүүх тус гомдлыг өнөөдөр /2024.06.07/ хэлэлцээд Б.Хурцын нэхэмжлэлийн шаардлагыг бүхэлд нь хэрэгсэхгүй болгосон байна. Өөрөөр хэлбэл Тагнуулын Ерөнхий газрын дарга асан Б.Хурц 2024 оны УИХ-ын сонгуульд нэр дэвших боломжгүй боллоо.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

69.250.216.176

2024/06/08

Zuv
Хариулах
202.126.89.148

2024/06/07

Harin ch songogdohgui hunii mongiig ni hemnesen sain zuil boljee. Zarim humuus oortoo yamar itgeltei ch bdiin. Ard tumeniig basaad bdiimuudaa?
Хариулах