Дөрвөн жил төгсөрсөн л гэнэ шүү...

УИХ-ын гишүүн Ч.Ундрам 5 дугаар тойрогт өрсөлдөнө гэж байгаа. Уг нь багш, инженерүүдийг энэ сонгуульд чухалчилна гэж буй  ч түүний хувьд шаанс багатай нөхдийн тоонд багтчихаад байгаа. Учир нь түүнийг “…Өсвөр насны охиноо сандалтай нь татаж унагасан. Гэр бүлийн асуудлаа цэгцэлж чадаагүй…” гэдэг утгаар нь нийгэм  үнэлэхээ байчихсан…

Өнөөгийн болоод  үе үеийн парламентад эмэгтэй гишүүд олон байсан ч түүн шиг үр хүүхэддээ ингэж зэрлэг, балмад хандаж байгааг харж, сонсож байгаагүй болохоор  түүнийг өр нимгэн эх хүн. Төр түшилцэх төв, шударга эмэгтэй гэж нийгэм дүгнээгүй хэрэг…

Олон ч хуулийн төсөл дээр ажилласан гээд байгаа тэрбээр “Сонгуульд үзнэ” гэж эргэлт буцалтгүй шийдсэн байгаа ч  “Би хэн бэ” гэдгээ бодох л ёстой.

Тэгээд ч хийснээ тайлагнаж,  магтаж болох ч 4-хөн жилийн хугацаанд төгсөрчихсөн юм шиг яриад сууж байгаа нь өөрөөсөө бусдыг нэг их үнэлдэггүйн тод жишээг харуулчихсан гэж хэлж болно.

Тэрбээр хөтлөгчийн “4 жилийн өмнө хэлнийхээ мэдлэгийг дээшлүүлнэ гэж байсан чадсан уу” гэх асуултад “Би хэлнийхээ мэдлэгийг сайжруулж чадаагүй ш дээ . Бусдын хүүхдийн хэлний мэдлэгт л маш их анхаарал тавьсан... Гэхдээ  олон чиглэлийн  мэдлэг хуримтлуулж чадсан… Хууль эрх зүйн мэдлэг маань маш их сайжирсан… Хөдөө аж  ахуй, батлан хамгаалах,  гадаад харилцаа,  банк санхүү, эдийн засаг, соёл урлаг  гээд маш олон салбарын гүн гүнзгий мэдлэгтэй болж чадсан…” гэж хээв нэг хариулна билээ. Харин энэ нь  тухайн салбарын мэргэжилтнүүдийг хэтэрхий басамжилж, дорд асуудал болсон гэдгээ үнэндээ тэр мэдрээгүй л явна….

Сайн нэрийг хүсэвч олдохгүй. Муу нэрийг хусавч арилахгүй гэдэг үгийг үнэндээ бол л Ундрам мэт, мэдрэмжгүй нөхдүүдэд зориулсан үг юм шүү дээ.