Т.Мөнхсайхан төрд биш эрүүл мэндийн салбартаа байг

Хүн зөв цагт хэрэгтэй газраа байхын чухлыг өнөө цагт хүн бүр мэддэг болсон. Тэр тусмаа зарим хүнийг улстөрд, УИХ-д орууламгүй, сонгомооргүй байгаа юм.

Тэдний нэг нь Т.Мөнхсайхан. Тэр УИХ-ын 2024 оны сонгуульд нэр дэвших гээд сурталчилгаагаа эхлүүлчхээд байгаа.
Т.Мөнхсайханы хувьд Гэмтэл, согог судлалын үндэсний төвд Их эмч, Мэс заслын тасгийн эрхлэгч, Ерөнхий захирал, Улсын нэгдүгээр төв эмнэлгийн Ерөнхий захирлаар ажиллаж байгаад 2020 онд Эрүүл мэндийн сайдаар томилогдож байсан. 2021 оны нэгдүгээр сард огцорсон ч долоодугаар сараас Монгол Улсын Ерөнхийлөгчийн эрүүл мэнд, спорт, нийгмийн бодлогын зөвлөхөөр ажиллах болсон. Одоо яг тэр эрчээрээ улстөрд шингэх хүсэлтэй нэгэн болсон.

Гэхдээ түүний өөрийгөө сурталчилж байгаагаас харвал Т.Мөнхсайхан эрүүл мэндийн салбартаа, тэр тусмаа эмнэлэгт мэс заслын ширээний ард иргэдийн сайн сайхны төлөө зориулагдсан хүн гэж харагдаад байгаа юм.

Үнэнийг хэлэхэд бизнесийн эрх зүйн орчныг сайжруулах шаардлагатай учраас дотор нь орох гэж байна хэмээн УИХ-ын гишүүн болсон олон хүн байдаг. Харамсалтай нь бизнесийн орчныг сайжруулах биш, өөрсдийн ашгаа л нэмэгдүүлсэн нь олон. Шулуухан хэлэхэд УИХ-ын гишүүн боллоо гээд амалснаа биелүүлдэггүйг монголчууд нийтээрээ харсан.
Эрүүл мэндийн орчин нөхцөлийг сайжруулахаар эмч хүн УИХ-д нэр дэвшсэн, сонгогдсон түүх ч бий. ХӨСҮТ-ийн захирал Ж.Чинбүрэн.
Гэтэл тэр “эмийн сонсгол”-оор дуулиан, бужигнаан тарьснаас хэтэрсэнгүй. Харин эсрэгээрээ түүнд үзүүлэх гэсэн хавдартай өвчтөнүүдийн дугаараа хүлээн суудаг болсон.
Яг түүнтэй адил Т.Мөнхсайхан эмчээрээ ажиллаж, өвдөг, үений хагалгааг өөрөө хэрхэн нутагшуулсан шигээ гардан хийж, цаалаад өөрийн гэсэн шавьтай болох арга ухаанаа бодвол ядаж, салбарт нь иргэдэд хэрэгтэй баймаарсан.