БАЯНХОНГОР АЙМАГТ ХҮЧТЭЙ ШУУРГА ШУУРСНЫ УЛМААС АЙЛУУДЫН ГЭР НУРЖ, АШИГЛАХ БОЛОМЖГҮЙ БОЛЖЭЭ

Moderator

2023/04/13

Дөрөвдүгээр сарын 10-нд Баянхонгор аймагт хүчтэй шороон шуурга шуурсны улмаас дөрвөн айлын гэр нурж, ашиглах боломжгүй болжээ.

Тодруулбал:

- Баянхонгор аймгийн Баянлиг сумын нэгдүгээр багийн “Дунд хөх хүрэм толгой” гэдэг газар дөрөвдүгээр сарын 10-ны өдрийн 07:00-08:00 цагийн орчим 20 м/с хүртэл шороон шуурга шуурсаны улмаас иргэн Б-ийн 4 ханатай 1 гэр нурж, ашиглах боломжгүй болсон.

- Баянхонгор аймгийн Баянлиг сумын Баян-Аараг 2 дугаар багийн “Муруй” гэдэг газар дөрөвдүгээр сарын 10-ны өдрийн 12:00 цагийн орчим 21 м/с хүртэл шороон шуурга шуурсаны улмаас малчин Ө-ын 4 ханатай 1 гэр нурж, ашиглах боломжгүй болсон.

- Баянхонгор аймгийн Баянлиг сумын Хатансуудал багийн “Өлзий” хороолол дөрөвдүгээр сарын 10-ны өдрийн 13:00 цагийн орчим 19 м/с хүртэл шороон шуурга шуурсаны улмаас иргэн Б-ын 4 ханатай 1 гэр нурж, ашиглах боломжгүй болсон.

- Баянхонгор аймгийн Баянговь сумын Хэлтгий булаг багийн “Зэрэглээ” гэдэг газар дөрөвдүгээр сарын 10-ны өдрийн 12:00 цагийн орчим 32 м/с хүртэл шороон шуурга шуурсаны улмаас малчин Б-ийн 5 ханатай 1 гэр нурж, ашиглах боломжгүй болсон тухай мэдээллийг аймгийн Онцгой байдлын газарт мэдээлсэн байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ