Монгол иргэд “Жэби” салхинд өртсөн тухай мэдээлэл байхгүй гэв

Япон улсад манай улсын нийт 7000 гаруй иргэн, үүнээс Кансай бүсэд 300 орчим иргэн оршин суудаг байна. Осака дахь Ерөнхий консулын газраас “Жэби шуурганд монгол иргэн өртсөн гэх мэдээлэл байхгүй” хэмээн мэдэгдэв. Өнөөдрийн байдлаар Японы Осака муж, Кансай бүсийг дайрсан хүчтэй хар салхины улмаас 10 хүн нас барж, 229 хүн гэмтэж бэртээд байгааг орон нутгийн хэвлэлүүдэд мэдээлж буй юм. “Жэби” шуурганы улмаас тус улсын баруун зүгийн нутгуудаар хөрсний гулгалт үүсч, хүчтэй аадар бороо орж байгаагийн зэрэгцээ салхины хурд 172 км/цагт хүрсэн тул онгоцны нислэг, галт тэрэг болон зарим замын хөдөлгөөнийг түр хугацаагаар хаажээ.