Б.Аялгуу охин сурагч болсон ч Б.Болд хамраа ч цухуйлгасангүй

Энхрий булбарай гарыг чинь илбэе
 Энгэсэг гоо хацрыг чинь үнсье
 Ангир дулаахан цээжийг чинь үнэрлэе
 Ариун гоолиг биеийг чинь тэврэе
Цээжийг чинь түшиж эрхэлье
Чихэнд чинь шивнэж энхрийлье... хэмээн хослон дуулж олны танил болсон дуучин Б.Болд, Э.Чулуунчимэг нарыг гэр бүл болж хөөрхөн охинтой болж байсныг бид мэднэ. Жаргалтай айл манайх аа хэмээн баяр жаргалтай, бусдын цагаан атаархлыг төрүүлэм амьдарч байсан Б.Болд, Чулуунчимэг нар нэг л өдөр хамтын амьдралдаа цэг тавьсан. Б.Болд мэргэжил нэгт дуучин Мөнгөнцэцэгийг амьдралынхаа ханиар сонгон, нуган үртэй болоод амжсан бол Чулуунчимэг охиноо ганцаараа хөтлөн 1-р ангид элсэн орууллаа. Угтаа тэдний салалтанд хүүхдийн буруу гэж юу байх вэ. Нэгэн цагт эхнэр, нөхөр хэмээн дуудуулж байсан хойно эцэг эхийнхээ үүргийг хүлээн охиноо сургуульд хүргээд өгөх сэтгэл Б.Болдод л лав байсангүй. Юутай ч Болдын Аялгуу охин энэ жил нэгдүгээр ангид элсэн орлоо.