Оддын академиас төрсөн охид Making the Band”-ийнхэн шиг гэрээний хугацаа нь дуусаад алга болчихгүй л бол...

“Making the Band”-ийнхэн шиг гэрээний хугацаа нь дуусаад алга болчихгүй л бол хэмээн “The Wasabies”-ийг таалсан сэтгэгдлээ харамгүй илэрхийлсэн хүн олон байна. “Оддын академи” шоу бол гадаадын шилдэг контентуудын нэг бөгөөд Боловсрол суваг телевиз уг шоуг Монголын хөрсөнд анх удаа буулгаж билээ.

Тус шоунаас төрсөн таван охид “The Wasabies” гэдэг хамтлаг байгуулж, саяхан анхны уран бүтээл болох “Girls Generation” дууны клипээ цацаж байсан. Өнгө алагласан охидын шинэ хамтлаг олны хүлээлтэд хэр нийцсэн бол гэдэг асуултын хариу нь тун удахгүй хар аяндаа л мэдэгдэнэ. Хэрэв тэд чанартай, сайн уран бүтээл хийж, чартад хүч үзэж, олон хит дуутай болж гэмээ нь оршин тогтнох хугацаа нь тэр хэрээр удаан үргэлжлэх нь лавтай.