Шинэ начин Ш.Дарханбатад дөрвөн өрөө байр, "Ланд-200" бэлэглэв

Улсын баяр наадамд тав давж улсын начин цол хүртсэн Өмнөговь аймгийн Хүрмэн сумын харьяат Шоовдорын Дарханбатын цолны мялаалга наадам боллоо. Наадамд улс, аймгийн цолтой 64 бөх хүч үзэж, улсын арслан Э.Оюунболд түрүүлж, улсын начин Д.Анар үзүүрлэв. Харин их шөвөгт улсын начин Б.Даваа-Очир, аймгийн арслан Э.Нямаа нар шалгарлаа.

Цолны мялаалгын үеэр шинэхэн начин Ш.Дарханбатад Өмнөговь аймгийн нутгийн зөвлөлөөс “Ланд-200” маркийн автомашин, орон нутгийн өмчит “Таван Толгой” ХК-аас Улаанбаатар хотод дөрвөн өрөө байраар шагнаж урамшуулжээ.

Л.Хэрлэн

Эх сурвалж: "Зууны мэдээ" сонин